SYNOPSIS
ET
INDEX SYSTEMATICUS SPECIERUM,
Et recentium, et fossilium.[157]
[157] In hâc portione Synopsis, Auctorum nomina referunt solummodo ad species.
ORDO I. THORACICA.
Fam. BALANIDÆ.
Sub-Fam. BALANINÆ.
[Sectio †.]
1. Genus—BALANUS.
Sectio A.
Parietes et basis et radii poris perforati.
Sectio B.
Parietes et basis interdum poris perforati; radii nunquam; testæ axis rostro-carinalis elongatus; basis cymbiformis, Gorgoniis et Milleporis affixa.
Sectio C.
Parietes et basis semper poris perforati; radii nunquam.
Sectio D.
Parietes semper poris perforati; basis et radii nunquam.
Sectio E.
Basis membranacea.
Sectio F.
Parietes et radii nunquam, basis interdum, poris perforata; basis interdum admodum tenuis, adeo ut vix distingui possit.
[Sectio A.]
1. Balanus tintinnabulum, Linn. (Darwin, ‘Balanidæ,’ p. 194, Tab. 1 et 2, fig. 1.)
B. testâ à roseâ ad atropurpuream variante, sæpe longitudinaliter virgatâ et costatâ. Orificio plerumque integro, interdum dentato. Scuti cristâ articulari latâ et reflexâ. Tergi margine basali plerumque in contrariis calcaris partibus rectam lineam formante.
Hab.—In tepidis et torridis ubique maribus. Foss. in Europâ.
2. Balanus tulipiformis, Ellis. (Darwin, ‘Balanidæ,’ p. 204, Tab. 2, fig. 2.)
B. testâ, obscurè roseâ, interdum purpurascente; orificio dentato. Scuto externè admodum lævi membranâ tecto. Tergi musculorum depressorum cristis distinctis.
Hab.—In Europâ meridionali et Madeirâ.
3. Balanus psittacus, Molina. (Darwin, ‘Balanidæ,’ p. 206, Tab. 2, fig. 3.)
B. testâ pallidè roseâ, sordidâ; orificio hexagonali. Scuti cristâ articulari minimâ, quæ cum adductoris cristâ, admodum prominente, confluit; musculo depressore laterali tubulari cavitate locato, quæ sursùm ad valvæ apicem extendit. Tergi apice producto, aculeato, purpureo; calcare ab angulo basi-scutali propiùs quam suâ ipsius latitudine distante.
Hab. et foss. in Americâ meridionali.
4. Balanus Capensis, Ellis. (Darwin, ‘Balanidæ,’ p. 209, Tab. 2, fig. 4.)
B. testâ colore lucidè-roseo, umbratâ et sæpe longitudinaliter virgatâ. Scuto ut in B. psittaco. Tergi apice producto aculeato, albo; calcare ab angulo basi-scutali suâ ipsius latitudine distante.
Hab.—In Africâ meridionali.
5. Balanus nigrescens, Lamarck. (Darwin, ‘Balanidæ,’ p. 210, Tab. 2, fig. 5.)
B. testâ cinereâ, pallidè-cæruleo aut atro-cæruleo, aut albo tinctâ. Scuti cristâ articulari parvâ, deorsùm in parvum, acutum aculeum desinente; adductoris cristâ prominente. Tergi apice producto, aculeato.
Hab.—In Australiâ.
6. Balanus decorus, Darwin. (‘Balanidæ,’ p. 212, Tab. 2, fig. 6.)
B. parietibus pallidè-roseis: radiis aliquanto intensioribus. Scuti cristâ articulari parvâ. Tergi sulco longitudinali admodum tenui et aperto; marginibus basalibus utrinque ad calcar declivibus.
Hab.—In Novâ Zealandiâ.
7. Balanus vinaceus, Darwin. (‘Balanidæ,’ p. 213, Tab. 2, fig. 7.)
B. testâ fusco-purpureâ; parietum laminâ interiore cancellatâ. Scuto longitudinaliter et tenuiter striato. Tergi sulco longitudinali tenui et aperto: marginibus basalibus utrinque ad calcar declivibus.
Hab.—In occidentali littore Americæ merid.
8. Balanus Ajax, Darwin. (‘Balanidæ,’ p. 214, Tab. 3, fig. 1.)
B. testâ globoso-conicâ, sæpe in axe rostro-carinali elongatâ, pallidè-roseâ, lævi, admodum crassâ: tubis parietalibus prope marginem basalem, cylindricis et minimis. Scuti cristâ articulari latâ, reflexâ.
Hab.—In Arch. Philippino.
[Sectio B.]
9. Balanus stultus, Darwin. (‘Balanidæ,’ p. 216, Tab. 3, fig. 2.)
B. parietibus et basi porosis: testâ albâ aut purpurâ leviter tinctâ. Scuti margine basali in medio prominente. Tergi sulco longitudinali supernè clauso; calcare angulo basi-scutali non approximato.
Hab.—In Indiâ occident. et orient.
10. Balanus calceolus, Pallas. (Darwin, ‘Balanidæ,’ p. 218, Tab. 3, fig. 3.)
B. parietibus et basi porosis. Scuto musculi depressoris lateralis fossâ parvâ, profundâ.
Hab.—In Africâ occidentali et Indiâ. Foss. in Angliâ.
11. Balanus galeatus, Linn. (Darwin, ‘Balanidæ,’ p. 220, Tab. 3, fig. 4.)
B. parietibus non porosis: basi porosa. Tergi apice, propter cristæ articularis magnitudinem, quadrato.
Hab.—In Americâ sept. et Indiâ occident.
12. Balanus cymbiformis, Darwin. (‘Balanidæ,’ p. 221, Tab. 3, fig. 5.)
B. parietibus et basi non porosis. Scuti et tergi cristis articularibus minimis. Tergo lato, pæne æquilaterali.
Hab.—In Indiâ.
13. Balanus navicula, Darwin. (‘Balanidæ,’ p. 221, Tab. 3, fig. 6.)
B. parietibus et basi non porosis: valvis testæ carino-lateralibus admodùm angustis, latitudine à vertice ad imum pæne æquâ. Radiorum marginibus suturalibus lævibus. Scuto externè longitudinaliter striato.
Hab.—In Indiâ.
[Sectio C.]
14. Balanus trigonus, Darwin. (‘Balanidæ,’ p. 223, Tab. 3, fig. 7.)
B. parietibus costatis, purpureo-rubris, maculatis: orificio lato, trigonali, vix dentato. Scuto crasso, fossularum seriebus longitudinalibus 1 ad 6. Tergo sine sulco longitudinali; calcare truncato ad plenùm 1/3 valvæ latitudine.
Hab.—In Arch. Indiæ Orient.: Australiâ: Californiâ: Peruviâ.
15. Balanus spongicola, Brown. (Darwin, ‘Balanidæ,’ p. 225, Tab. 4, fig. 1.)
B. parietibus plerumque lævibus, interdum longitudinaliter plicatis; roseis; orificio dentato: scuto longitudinaliter striato: tergum, apice producto, sine sulco longitudinali; calcare truncato 1/3 valvæ latitudine.
Hab.—In Europâ meridionali et mediâ, Africâ meridionali; var. in Indiâ occidentali. Foss. in Angliâ, in “Miocenâ Formatione.”
16. Balanus lævis, Bruguière. (Darwin, ‘Balanidæ,’ p. 227, fig. 2.)
B. testâ aut fuscâ membranâ testâ, aut nudâ et albâ, aut pallide-purpureâ: orificio parvo: radiis minimis: scuto 1 aut 2 sulcis longitudinalibus profundis.
Hab.—In littore occidentali Americæ utriusque.
17. Balanus perforatus, Bruguière. (Darwin, ‘Balanidæ,’ p. 231, Tab. 4, fig. 3, et Tab. 5, fig. 1.)
B. testâ sordidâ, pallidè-purpureâ aut albâ aut cinereâ, lævi aut propter corrosionem longitudinaliter tenuiter costatâ; vaginâ purpureâ; orificio plerumque parvo: radiis plerumque angustis aut nullis: scuto introrsus cristâ brevi minutâ sub cristam adductoris prominentem proximè et parallelè positâ: tergi apice aliquantum producto.
Hab.—In Europâ meridionali et mediâ; in Africâ occidentali.
18. Balanus concavus, Bronn. (Darwin, ‘Balanidæ’ p. 235, Tab. 4, fig. 4.)
B. testâ, albo cum roseo aut obscurè purpureo longitudinaliter striatâ; interdum pure albâ: scuto longitudinaliter tenuiter striato; internè adductoris cristâ admodum aut modicè prominente.
Hab.—In Peruviâ, Californiâ, Arch. Philippino, Australiâ. Et foss. in Europâ, Americâ septent. et meridionali.
19. Balanus amphitrite, Darwin. (‘Balanidæ,’ p. 240, Tab. 5, fig. 2.)
B. testâ purpureo aut roseo longitudinaliter striatâ; striis interdum confluentibus; interdum pure albâ: scutum internè adductoris cristâ prominente.
Hab.—In tepidis et torridis ubique maribus.
20. Balanus pœcilus, Darwin. (‘Balanidæ,’ p. 246, Tab. 5, fig. 3.)
B. testâ obscurè rubrâ albo maculatâ scuto internè adductoris cristâ nullâ tergi calcare præcisè truncato, ferè 1/3 valvæ latitudine.
Hab.—In littore occident. Americæ merid.
21. Balanus eburneus, A. Gould. (Darwin, ‘Balanidæ,’ p. 248, Tab. 5, fig. 4.)
B. testâ flavescente albâ: scuto longitudinaliter tenuiter striato: tergi calcare truncato, margine basi-carinali ferè admodùm excavato; margine carinali supernè prominente.
Hab.—In Americâ septent. et Indiâ occident.
22. Balanus improvisus, Darwin. (‘Balanidæ,’ p. 250, Tab. 6, fig. 1.)
B. testâ albâ: radiis angustis, marginibus superioribus lævibus, leniter arcuatis, admodùm obliquis: tergi sulco longitudinali; calcaris, termino rotundato.
Hab.—In Europâ, et Americæ utriusque littoribus orient. et occident.
23. Balanus nubilus, Darwin. (‘Balanidæ,’ p. 253, Tab. 6, fig. 2.)
B. testâ albâ, irregulari: basi alicubi imperfecte porosâ: scuti cristâ articulari minutâ; adductoris cristâ prominente, fossam profundam musculo depressori præbente: tergo introrsus purpureâ maculâ majore notato; apice producto, purpureo.
Hab.—In Californiâ.
24. Balanus corrugatus, Darwin. (‘Balanidæ,’ p. 254, Tab. 6, fig. 3.)
B. testâ albâ longitudinaliter plicatâ: radiis angustis: scuto internè sine adductoris cristâ.
Foss. in Italiâ.
[Sectio D.]
25. Balanus porcatus, Da Costa. (Darwin, ‘Balanidæ,’ p. 256, Tab. 6, fig. 4.)
B. testâ albâ, plerumque longitudinaliter acutè costatâ: radiorum marginibus superioribus pæne basi parallelis: scuto longitudinaliter striato; tergi apice producto, purpureo.
Hab. et foss. in Europâ, et Americâ septent. et regionibus Arcticis.
26. Balanus patellaris, Spengler. (Darwin, ‘Balanidæ,’ p. 259, Tab. 6, fig. 5.)
B. testâ depressâ fuscâ, plerumque obscuro-violaceo longitudinaliter striatâ: radiorum marginibus superioribus (in adultis speciminibus) rotundatis, superficie sulcis tenuibus basi parallelis: basi interdùm poris imperfectis perforatâ: scuto internè cum adductoris cristâ.
Hab.—In Indiâ et Arch. Philippino.
27. Balanus crenatus, Bruguière. (Darwin, ‘Balanidæ,’ p. 261, Tab. 6, fig. 6.)
B. testâ albâ: radiorum marginibus superioribus obliquis, asperis, rectis: scuto sine adductoris cristâ: tergi calcare rotundato.
Hab. et foss. in Europâ, et Americâ septent. et regionibus Arcticis, et Indiâ occident. et Africâ meridionali.
28. Balanus glandula, Darwin. (‘Balanidæ,’ p. 265, Tab. 7, fig. 1.)
B. testâ albâ; parietum laminâ internâ longitudinaliter et fortiter costatâ, poris imperfectis et minutis, interdùm alicubi nullis: radiis angustis marginibus superioribus rotundatis: scuto cum adductoris cristâ: tergi calcare truncato, rotundato.
Hab.—In Californiâ, et Oceano Pacifico meridion.
[Sectio E.]
29. Balanus balanoides, Linn. (Darwin, ‘Balanidæ,’ p. 267, Tab. 7, fig. 2.)
B. parietibus aut solidis, aut cancellatis, aut (rarò) unicâ pororum serie formatis: tergi calcare obtuso aut acuto.
Hab.—In Europâ et Americâ septent. et regionibus Arcticis.
30. Balanus cariosus, Pallas. (Darwin, ‘Balanidæ,’ p. 273, Tab. 7, fig. 3.)
B. parietibus crassis, pluribus seriebus pororum inæqualium formatis; tergo angusto, apice rostrato, calcare acuminato.
Hab.—In littore occident. Americæ septent. et Freto Behringi et Insulis Kuriliis.
31. Balanus declivis, Darwin. (‘Balanidæ,’ p. 275, Tab. 7, fig. 4.)
B. parietibus solidis: rostro, carinâ et valvis carino-lateralibus pæne duplo longiore, basi igitur obliquâ: tergi calcare truncato, 1/2 valvæ latitudine.
Hab.—In Indiâ occident.
[Sectio F.]
32. Balanus Hameri, Ascanius. (Darwin, ‘Balanidæ,’ p. 277, Tab. 7, fig. 5.)
B. testâ albâ: radiorum marginibus superioribus obliquis, lævibus, arcuatis; aciebus suturalibus lævibus: basi solidâ: scuto longitudinaliter, debiliter striato: tergi calcare angusto.
Hab. et foss. in Europâ septent. et Americâ septent.
33. Balanus amaryllis, Darwin. (‘Balanidæ,’ p. 279, Tab. 7, fig. 6.)
B. testâ subroseo-purpureo striatâ, aut obnubilatâ; interdùm purè albâ: radiis angustis, marginibus superioribus obliquis lævibus, arcuatis: basi porosâ: scuto longitudinaliter planè striato: tergi calcare angusto.
Hab.—In Indiâ, et Arch. Indiæ orient. et Australiâ septent.
34. Balanus allium, Darwin. (‘Balanidæ,’ p. 281, Tab. 7, fig. 7.)
B. testâ pallidè purpuratâ, radiis latis, marginibus superioribus non obliquis: basi porosâ: scuto lineis incrementi crenatis: tergi calcare admodum brevi, truncato, 1/2 valvæ latitudine.
Hab.—In Australiâ septent.
35. Balanus cepa, Darwin. (‘Balanidæ,’ p. 283, Tab. 7, fig. 8.)
B. testâ sordidè rubro-purpureâ, abruptè conicâ: radiis angustis: basi obscurè porosâ: scuto lineis incrementi crenatis: tergi calcare truncato, dimidiâ valvæ latitudine, et infrà angulum basi-scutalem dependente, usque ad 1/2 sui ipsius latitudinem.
Hab.—In Japaniâ.
36. Balanus quadrivittatus, Darwin. (‘Balanidæ,’ p. 284, Tab. 8, fig. 1.)
B. testâ abruptè conicâ, quatuor vittis longitudinalibus transversè positis: radiorum marginibus superioribus obliquis: basi tenui, solidâ: scuto, lineis incrementi lævibus; musculi depressoris lateralis fossâ distinctâ nullâ: terga ut in B. cepâ.
Hab.—In Archipel. Indiæ orient.
37. Balanus terebratus, Darwin. (‘Balanidæ,’ p. 285, Tab. 8, fig. 2.)
B. testâ albâ, costis longitudinalibus fortibus, margine basali in longos aculeos producto: basi concavâ non porosâ, lineis radiantibus fortiter costatâ; spatio intercostali foraminibus minutis rotundatis sæpe duplici serie, cribrosè perforato.
Hab.—(?)
38. Balanus vestitus, Darwin. (‘Balanidæ,’ p. 286, Tab. 8, fig. 3.)
B. testâ subroseo-purpureâ aut albâ, membranâ aurantiacâ vestitâ: radiorum loco, meris fissuris: basi solidâ: scuto, cristâ adductoris acutâ curvatâ; musculi depressoris cristæ adsunt: tergi calcare brevi, truncato, 1/3 valvæ latitudine.
Hab.—In Australiâ et Novâ Zealandiâ.
39. Balanus imperator, Darwin. (‘Balanidæ,’ p. 288, Tab. 8, fig. 4.)
B. testâ internè imperatorio-purpureâ: parietibus crassis margine interno basali spinis et cristis irregularibus aspero: radiis angustis: basi admodùm tenui, solidâ: scuto cum musculorum depressorum rostralium et lateralium cristis: tergi calcare ad finem rotundato.
Hab.—In Australiâ.
40. Balanus flosculus, Darwin. (‘Balanidæ,’ p. 290, Tab. 8, fig. 5.)
B. testâ purpureâ aut sordide-albâ, parietum margine basali spinis et cristis irregularibus asperâ: radiis angustis aut nullis: basi quam tenuissimâ, ad speciem nullâ: scuto cum musculi depressoris lateralis cristis: tergo admodùm angusto, calcare acuminato.
Hab.—In Americæ merid. littore occid.
41. Balanus bisulcatus, Darwin. (‘Balanidæ,’ p. 293, Tab. 8, fig. 6.)
B. radiorum marginibus superioribus obliquis, lævibus; aciebus suturalibus lævibus: basi poris magnis perforatâ: scuto angusto, sulcis longitudinalibus 2 ad 4: tergi calcare brevissimo dimidiâ valvæ latitudine.
Foss. in Angliâ, et Galliâ et Belgio. “Miocenâ Formatione.”
42. Balanus dolosus, Darwin. (‘Balanidæ,’ p. 295, Tab. 8, fig. 7.)
B. radiorum marginibus superioribus obliquis lævibus: aciebus suturalibus item lævibus: basi poris magnis perforatâ: tergi calcare non admodum brevi, 1/3 valvæ latitudine.
Foss. in Angliâ. “Pliocenâ, et miocenâ Formationibus.”
43. Balanus unguiformis, J. de C. Sowerby. (Darwin, ‘Balanidæ,’ p. 296, Tab. 8, fig. 8.)
B. parietibus tenuibus, interdum poris perforatis: radiorum marginibus superioribus obliquis; aciebus suturalibus tenuissimè crenatis: basi solidâ: tergi calcare angusto, obtuso.
Foss. in Angliâ et Belgio. “Eocenâ Formatione.”
44. Balanus varians, Darwin. (‘Balanidæ,’ p. 298, Tab. 8, fig. 9.)
B. parietibus modicè crassis; radiorum marginibus superioribus perobliquis; aciebus suturalibus pæne lævibus aut tenuiter crenatis: basi tenuiter porosâ: tergi calcare, parvo, angusto, obtuso.
Foss. in Patagoniâ.
45. Balanus inclusus, Darwin. (‘Balanidæ,’ p. 299, Tab. 8, fig. 10.)
B. testâ rufo-fuscâ: radiis latis, marginibus superioribus aut non obliquis aut modicè; aciebus suturalibus cum septis planè denticulatis: basi porosâ: scuto sine adductoris cristâ: tergi calcare subangusto.
Foss. in Angliâ et Germaniâ. “Miocenâ Formatione.”
2. Sub-Genus—ACASTA.
1. Acasta spongites, Poli. (Darwin, ‘Balanidæ,’ p. 308, Tab. 9, fig. 1.)
A. parietibus carino-lateralibus ferè 1/6 parietum lateralium latitudine: superficie internâ parietum plerumque debiliter costatâ: scuti cristâ articulari ad extremitatem inferiorem abruptè præcisâ: tergi calcare truncato rotundato, ferè 1/3 valvæ latitudine.
Hab.—In Europâ et Africâ meridion.
2. Acasta sulcata, Lamarck. (Darwin, ‘Balanidæ,’ p. 310, Tab. 9, fig. 2.)
A. parietibus carino-lateralibus ferè 1/6 parietum lateralium latitudine: parietum superficie internâ plerumque fortiter costatâ: basis acie fortiter crenatâ: testæ orificio sub-exiguo: tergi calcare plerumque truncato, pæne 1/2 valvæ latitudine.
Hab.—In Australiâ.
3. Acasta cyathus, Darwin. (‘Balanidæ,’ p. 312, Tab. 9, fig. 3.)
A. parietibus carino-lateralibus ferè 1/4 parietum lateralium latitudine: radiis latioribus quam parietes: basi pæne planâ, exiguâ: tergi calcare truncato, 1/2 valvæ latitudine.
Hab.—In Madeirâ et Indiâ occid.
4. Acasta undulata, Darwin. (‘Balanidæ,’ p. 313, Tab. 9, fig. 4.)
A. testâ, ad speciem, ut in “A. spongites,” sed majore: scuto externe striis longitudinalibus, sæpe binis, signato, sulcis intermediis latioribus: tergi calcare, pæne 1/2 valvæ latitudine.
Foss. in Angliâ. “Miocenâ Formatione.”
5. Acasta glans, Lamarck. (Darwin, ‘Balanidæ,’ p. 314, Tab. 9, fig. 5.)
A. parietibus internè per-lævibus, marginibus lateralibus uniuscujusque testæ valvæ intùs prominentibus: basis acie rarò crenatâ, sed 6 dentibus introrsùs prominentibus instructâ: scuto longitudinaliter fortiter striato.
Hab.—In Australiâ.
6. Acasta lævigata, J. E. Gray. (Darwin, ‘Balanidæ,’ p. 315, Tab. 9, fig. 6.)
A. parietibus intùs per-lævibus, marginibus lateralibus uniuscujusque testæ valvæ internùs prominentibus: basis acie fortiter crenatâ, et 6 dentibus introrsùs prominentibus instructâ: scuto aut longitudinaliter tenuiter striato aut lævi.
Hab.—In Mari Rubro et Archipel. Philippino.
7. Acasta fenestrata, Darwin. (‘Balanidæ,’ p. 316, Tab. 9, fig. 7.)
A. testâ subrufâ, foraminibus magnis membranâ-tectis inter suturas suprà basin proximis, 6; parietibus carino-lateralibus 1/2 parietum lateralium latitudine: intùs, parietibus et basis acie lævibus: tergi cristâ articulari brevi prominente; calcare acuminato.
Hab.—In Archipel. Philippino.
8. Acasta purpurata, Darwin. (‘Balanidæ,’ p. 318, Tab. 9, fig. 8.)
A. testâ obscurè cæruleo-purpureâ, foraminibus parvis, membrana-tectis inter suturas suprà basin proximis, 6: tergi cristâ articulari per-brevi prominente; calcare admodum lato rotundato.
Hab.—In Sumatrâ et Archipel. Philippino.
9. Acasta sporillus, Darwin. (‘Balanidæ,’ p. 319, Tab. 9, fig. 9.)
A. testâ purpureo-fuscâ, parietibus intùs fortiter costatis et reticulatis: testæ valvis carino-lateralibus angustissimis, ad basin non extendentibus.
Hab.—In Sooloo Insulis, in Archipelago Indico orient.