WI’ WEE WINKERS BLINKIN’.
BY J. E. RANKIN, D. D.
WI’ wee winkers blinkin’,
Blinkin’ like the starn,
What’s wee tottie thinkin’?
Tell her mither, bairn.
On night’s downy dream-wings,
Where’s the bairnie been,
That she has sic seemings
In her blinkin’ een?
Let her mither brood her,
Like the mither-doe;
When enough she’s woo’d her,
She maun prie her mou’:
Let her mither shake her,
Like an apple bough,
Frae her dreams to wake her:—
That’s our bairnie now!
There! I’ve got her crowin’
Like the cock at dawn;
Mou’ wi’ fistie stowin’,
When she tries to yawn:
She’ll na play the stranger
Drappit frae the blue,
Lest there might be danger
Back she sud gae through!
She’s our little mousie,
In this housie born,
That I tumble tousie,
Ilka, ilka morn:
She’s her mither’s bairnie,
Only flesh an’ blood;
Blinkin’ like the starnie
Through a neebor cloud.
LUCY’S PET.