WeRead Powered by ReaderPub
Poems and Songs of Robert Burns cover

Poems and Songs of Robert Burns

Chapter 516: A Man’s A Man For A’ That
By Robert Burns
Open in WeRead

Explore more books like this:

Classics of LiteraturePoetry

About This Book

The collection assembles lyrical songs, narrative poems, satirical pieces, epistles, epitaphs, and fragments that shift between convivial drinking verses, tender laments, and comic storytelling. Many lyrics were shaped to traditional airs and preserve vernacular speech, while longer works portray rural labor, domestic scenes, and compassionate encounters with animals. Satire targets religious hypocrisy and social pretension, and several poems take a direct, personal tone of moral reflection or affectionate address. The selections alternate moods and forms, emphasizing melodic phrasing and a versatile technical range.

A Man’s A Man For A’ That

Tune—“For a’ that.”
Is there for honest Poverty That hings his head, an’ a’ that; The coward slave—we pass him by, We dare be poor for a’ that! For a’ that, an’ a’ that. Our toils obscure an’ a’ that, The rank is but the guinea’s stamp, The Man’s the gowd for a’ that. What though on hamely fare we dine, Wear hoddin grey, an’ a that; Gie fools their silks, and knaves their wine; A Man’s a Man for a’ that: For a’ that, and a’ that, Their tinsel show, an’ a’ that; The honest man, tho’ e’er sae poor, Is king o’ men for a’ that. Ye see yon birkie, ca’d a lord, Wha struts, an’ stares, an’ a’ that; Tho’ hundreds worship at his word, He’s but a coof for a’ that: For a’ that, an’ a’ that, His ribband, star, an’ a’ that: The man o’ independent mind He looks an’ laughs at a’ that. A prince can mak a belted knight, A marquis, duke, an’ a’ that; But an honest man’s abon his might, Gude faith, he maunna fa’ that! For a’ that, an’ a’ that, Their dignities an’ a’ that; The pith o’ sense, an’ pride o’ worth, Are higher rank than a’ that. Then let us pray that come it may, (As come it will for a’ that,) That Sense and Worth, o’er a’ the earth, Shall bear the gree, an’ a’ that. For a’ that, an’ a’ that, It’s coming yet for a’ that, That Man to Man, the world o’er, Shall brothers be for a’ that.