U son venym ly deable enclose;
Auci je te resemble au pie,
Qant sur caroigne soi repose:
Tu as visage de la rose,
Et es plus aspre que l’urtie:
Tu es sophistre en la clergie,
Dont l’art conclude en heresie: 9980
Ne say la ryme ne la prose
Dont la centisme part endie
De ta malice, en ceste vie
Ne te falt plus ascune chose.
Qui du Pecché prent remembrance
Comment primer a sa naiscance
Du ciel les angres fist ruer,
Comme puis Adam par fole errance
Envers son dieu mist en destance,
Et puis en terre fist noyer 9990
Trestous forsque piscon du mer
Et soul Noë, qui dieus salver
Voloit ovesque s’alliance,
Et puis encore fist errer
Pour les ydoles honourer
Les gentz encontre leur creance.
Des cestes choses qui bien pense,
Et puis reguarde a l’evidence,
Comme chascun jour l’en puet veoir
Mortiele guerre et pestilence, 10000
Que du Pecché trestout commence,
Lors doit il bien hidour avoir:
Car n’est cité, chastel, manoir,
En quel ne se fait remanoir
Pecché, car tous obedience
Luy portont, et pour dire voir
Ou pour delit ou pour l’avoir
Luy font honeur et reverence.
Sur tous les regnes q’ore sont
Pecché commant, Pecché somont, 10010
Et tous au Pecché font hommage:
Et molt plus tost d’assetz le font,
258Car ly malfiés, qui tout confont,
Toutdis recovere al avantage,
De ce qu’il fist le mariage
Jadis du Siecle a son lignage,
Comme je vous contay paramont.
Si dieus ne pense a tiel oultrage
Rescourre, trop ert le dammage
Des almes que perdu serront. 10020
Mais des tous biens cil q’est racine
Ne laist ja mal sanz medicine;
Combien que ly malfiés soit fort
Par Pecché q’est de sa covine,
Nientmeinz de la vertu divine
Dieus en volt faire son confort
259Pour l’alme, a resister le tort
Du deable et du malvoise sort,
La quelle vient de celle orine
Que meyne jusques a la mort: 10030
Mais ore oietz comme se remort
Resoun par Conscience fine.
Ore dirra comment Resoun et Conscience
prieront dieu remedie contre les sept vices mortielx ove
leur progenie, et dieus donna sept vertus a
Resoun contre eaux.
Trestous vous avez bien oï,
Qant Pecché l’omme avoit saisi
En sa prisonne, meintenant
Resoun et Conscience auci
Loign de la court furont bany:
Mais ils s’aleront plus avant
260Pour soi compleindre au toutpuissant
De ce que vous ay dit devant, 10040
Comment cel homme estoit ravi
Des vices, dont il avoit tant,
Par quoy ne furont mais puissant
A gouverner l’estat de luy.
Enmy la court superiour
Devant dieu firont leur clamour
Ensi Resoun et Conscience:
Leur advocat et procurour,
Et sur tout leur coadjutour,
f. 58
C’estoit Mercy, qui d’eloquence
Tous autres passoit du science. 10051
Cil contoit en la dieu presence
Le grant meschief, le grant dolour,
Dont il prioit avoir defense:
Dieus luy donna bonne audience
Et sur ce luy promist socour.
Mais pour ce que les sept pecchés
Furont au Siecle mariez,
Comme je dis au commencement,
Et que tant sont multepliez 10060
Les files q’en sont engendrez,
261Dieus ordina semblablement
Un mariage, oietz comment.
Il ot sept files proprement,
Les quelles des tous biens doez
Au Resoun donna franchement
En mariage, et cil les prent
Pour l’enchesoun que vous orrez.
Dieus, qui lez choses tout pourvoit,
Pour ceste enchesoun le faisoit, 10070
De Resoun ensi marier,
Qu’il des vertus q’espouseroit
Autres vertus engendreroit,
Dont se pourront multeplier;
Sique chasqune en son mestier
Doit contre un vice resister,
Un contre un autre, au tiel endroit
Que l’Alme se pot enforcer
Son fol corps a desprisonner,
Q’a lors des vices pris estoit. 10080
Resoun, q’estoit et simple et sage,
Molt s’esjoÿt deinz son corage
Qu’il tieles femmes duist avoir,
Q’estoiont de si halt parage,
Comme de son propre dieu lignage,
Dont il fuist mis en bon espoir
Les vices mettre a nounchaloir;
Car dieus l’accrust du grant pooir,
Si luy donnoit en heritage
De son saint ciel le beau manoir, 10090
U qu’il sanz fin doit remanoir
Et tenir en franc mariage.
Resoun, qui bien s’estoit pourveu
Au jour des noeces, ot vestu
La robe yndoise ove blanche raie;
Par l’un colour est entendu
Constance en le service dieu,
Et l’autre que du blanchour raie
Signe est du netteté verraie;
La coife auci dont dieus s’appaie 10100
Portoit, que tout estoit cosu
De sapience: ensi s’esgaie
Resoun, qui son penoun desplaie,
Que ja des vices n’ert vencu.
Les dames vienont de la tour,
Chascune estoit du noble atour,
En blanche robe bien vestue.
Mais Conscience fait maint tour
Pour adrescer la gent entour,
Q’a celle feste estoit venue; 10110
Comme Mareschals les uns salue,
Les uns cherist, les uns argue,
Par tout se peine a faire honour:
Sa robe estoit comme d’une nue,
La quelle au plus sovent se mue
262Diverse, et change sa colour.
Les dames ensi bien pareies
Se mistront hors de les pareies
Vers le moustier de saint delit,
U que leur mary toutes veies 10120
Comme ses amies et ses preies
Leur attendoit; si ot eslit
Trois menestrals, ly quel sont dit
Bon pensement, Bon fait, Bon dit,
Qui les cornont par leur journeies,
Dont s’esjoyont grant et petit
Des joyes qui sont infinit,
Qui valont oultre tous moneies.
Chascune dame en son degré
Portoit son noun aproprié 10130
Escript, dont fuist la meulx vailante;
Encontre Orguil Humilité,
Encontre Envie est Charité,
Et encontre Ire la tençante
Est Pacience la taiçante;
Encontre Accidie la dormante
Prouesce y vient apparaillée;
Contre Avarice la tenante
Franchise y vient la despendante,
N’ert pas ovele l’assemblé: 10140
Et puis encontre Gloutenie,
Q’est de nature l’anemie,
La dame y vient q’ad noun Mesure;
Et lors encontre Leccherie
Vient Chasteté la dieu amye
Tout coiement sanz demesure:
Et meintenant vient pardessure
Ly prestres qui tous les assure,
Qui Gracedieu, si je bien die,
Avoit a noun, mais par droiture, 10150
Pour ce qu’il savoit de lettrure,
Ad l’espousaille au fin complie.
En la presence au soverein
Vient Conscience primerein,
Q’au moustier les dames mena,
U Gracedieu leur chapellein
Les faisoit prendre mein au mein,
Et depar dieu les affia;
Et puis leur messe ensi chanta
Qe dieus en bon gré l’accepta, 10160
Car l’Alme y offrist son certein,
Itiel comme dieus le commanda:
Resoun ses femmes moult ama,
Car moult furont du noble grein.
Ensi dieus de sa courtoisie
Encontre l’orde progenie
Des vices, qui tant sont maldit,
Au fin q
ue l’alme en soit guarie,
263Par mariage il associe
Les sept vertus, comme vous ai dit, 10170
Qui sont verrai, bon et parfit
Par grace du seint espirit,
Au Resoun, qui de sa partie
S’enforce dont soit desconfit
Ly deable, et l’Alme a son droit plit
Remise: oietz chançoun flourie.
Puisq’il ad dit devant comment Resoun
espousa les sept vertus, ore dirra comment
contre chascune file des vices engendra une file des vertus. Et
primerement commencera a parler de
les cink files les quelles sont engendrez de Humilité, dont la
primere file ad noun Devocioun, contre le
vice de Ypocrisie.
Humilité cink files meine,
Par quelles l’Alme se remeine
Au Resoun, dont tu dois nomer
Devocioun la primereine, 10180
Quelle en secré simple et souleine
Y vient, qant voet son dieu prier.
Ensi nous fist dieus enseigner
Q’au temps que nous devons orer
N’ert chambrelein ne chambreleine,
Ainçois devons les huiss fermer
Pour noz prieres affermer;
Car dieus ascoulte au tiel enseine.
La vertu de Devocioun
Toutdis retient en sa maisoun 10190
Une autre, que n’est pas aperte:
Celle ad tout proprement a noun
La bienamé sainte Oreisoun,
Qe ja ne quiert ou gaign ou perte
Du siecle avoir pour sa decerte,
Ainz loign des gens si comme deserte,
Que nuls en sache si dieus no
un
264En dieu priant se tient coverte,
Q’Ipocresie ne perverte
Ne son penser ne sa leçoun. 10200
Q’om doit orer souleinement,
Q’om doit orer tout pleinement,
Q’om doit en lermes dieu prier,
Q’om doit orer bien humblement,
Q’om doit orer communement,
Q’om doit auci continuer,
Q’om doit la bonne peas orer,
Q’om doit par orisouns aider
Son Roy, auci la morte gent,
Q’om doit par priere allegger 10210
Noz vices, tout ce puiss moustrer
Escript du viel essamplement.
Q’om doit orer soul et celée:
Ce fist ly prophete Helisée,
Qant il sur soy les huiss ferma,
Que nuls agardoit son secré,
Par quoy l’enfant q’ot mort esté
En dieu priant resuscita;
Et Moÿses en l’arche entra
Tout soul, qant pour le poeple ora:
Seint Luc auci par tiel degré 10221
Dist que no sire soul monta
En la montaigne, u qu’il pria,
Qant l’autre gent s’estoit alé.
Q’om doit orer tout plainement
Senec nous fait enseignement,
Si dist, qant l’en dieu priera,
Sanz parler curiousement
Et sanz nul double entendement
Du plain penser plain mot dirra, 10230
Car double lange dieus n’orra:
David tesmoigne bien cela,
f. 59
Disant que dieus au toute gent
Est prest, qant om l’appellera,
Maisque tout verité serra
Q’il prie, et nounpas autrement.
Que l’en doit faire oracioun
Par grande humiliacioun,
Ce dist David, ‘Soiez soubgit
Au dieu sanz point delacioun, 10240
Si fai ta supplicacioun.’
Et tout ensi je truis escript
Que Daniel jadys le fist;
Trois fois le jour au terre il gist
En sa genuflectacioun,
Priant au dieu q’il le guarist,
Q’en Babyloigne ne perist
D’estrange fornicacioun.
De Machabeu auci lisant
Je truis q’au terre engenulant, 10250
Et tout le poeple ovesque luy,
S’estoiont mis en dieu priant
Qu’il leur aidast du fel tirant,
Antiochus leur anemy,
Le poeple dieu q’ot poursuÿ;
Dont leur priere dieus oÿ,
Si fist de sa vengance tant
Qe tout vivant son corps purry:
Jerusalem s’estoit guari
Par ce que vous ai dit devant. 10260
Q’om doit orer en lermoiant,
De ce nous ert Sarre essamplant,
Q’en plours prioit trois jours et nuytz,
Au fin que dieus luy fuist aidant
De honte q’om luy vait disant
Pour sept barons q’elle ot perduz:
Des plours Thobie auci je truis,
Qant voegle estoit et fuist confus
Du femme qui luy vait tençant:
Molt fuist leur plours de grans vertus,
Car l’un et l’autre est socourrus, 10271
Sicomme l’istoire est devisant.
Dans Helchana cil espousoit
Anne et Phenenne, et avenoit
Sique dame Anne estoit bareine;
Mais de ses lermes dieu prioit,
Dont Samuel deinz brief conçoit;
C’estoit priere bonne et seine.
Et qui dist que la Magdaleine
Lors ne plouroit au bone estreine,
Qant au manger u dieus seoit 10281
Pour un poy d’eaue chalde et veine
Du vie gaigna la fonteine,
Qe des tous mals la garisoit?
Q’om doit auci toutdis orer
Saint Luc le fait bien tesmoigner:
Quant nostre sire ot en sa guise
Conté comment se doit troubler
Ly mals du siecle et adverser
Contre le jour du grant Juise, 10290
As ses disciples lors devise,
Que s’ils en vuillont la reprise
265Et les tourmens sauf eschaper,
Par grant devocioun enprise
Priere sanz recreandise
Leur falt toutdis continuer.
L’apostre dist q’au dieu plesance
Molt valdra la continuance
Del homme just en dieu priant:
La bible en porte tesmoignance,
266 10300Qant Amalech par mescreance
Ove Josué s’est combatant;
Tant comme ses mains estoit levant
Dans Moïses en dieu priant,
Ot Josué la meillour lance;
Mais qant des mains fuist avalant,
Ert Amalech a son devant
Et Josué fuist en balance.
Q’om doit communement prier
L’en poet avoir bon essampler 10310
De Josaphat Roy de Juda,
Qant le grant host vist assembler,
Qe trop faisoit a redoubter,
Des Ciriens qu’il redoubta:
Le poeple en commun s’assembla,
Chascuns devoutement pria
Qe dieus les volsist socourer:
La vois commune dieus oya,
Dont chascun autre entretua
Des anemys a l’encontrer. 10320
Q’om doit auci prier la pes
Essample nous avons du pres
Par le prophete Jeremie,
Qant commandoit que sanz reles
Au poeple quel estoit remes
Du transmigracioun en vie,
De lors avant chascuns supplie
Qe dieus en pes maintiene et guie
Jerusalem, sique jammes
Soit d’anemys prise ou saisie, 10330
Sique sa loy n’en soit blemie,
Ne de son poeple y soit descres.
Qe pour le Roy et pour ses fitz
L’en doit orer j’en suy tout fis,
267Car ce faisoit Baruch escrire
A Joachim, q’ert ses amys,
Qu’il feist prier en son paiis
Pour Nabugod, qui tint l’empire,
Et pour son fils, qui puis fuist sire,
C’est Baltazar; dont puiss je dire, 10340
Puisqu’il ensi firont jadys
Pour Roy paien, meulx doit souffire
Priere que l’en doit confire
Pour cristien, ce m’est avis.
Un autre essample en trov
eras,
268Si tu la bible bien liras,
Comment Cirus ly Rois Persant
Donna congé a Scribe Esdras
D’edifier en son compas
Jerusalem, qui pardevant 10350
Fuist gaste: et ce faisoit par tant
Qe tous fuissent pour luy priant
Deinz la cité cils q’en ce cas
Y duissont estre enhabitant,
Au fin que dieus ly toutpuissant
Governe ses roials estatz.
Q’om doit orer pour la gent morte
Essample avons que nous enhorte
De Machabeu certainement:
Et sur ce resoun le nous porte 10360
Que l’en par droit aide et supporte
Celluy qui n’ad dont proprement
Se poet aider; car cil q’attent
En purgatoire n’ad comment
Pour allegger sa peine forte,
Si noun qu’il plest au bonne gent
Prier pour son alleggement,
Qe dieus en pité le conforte.
Q’om doit orer remissioun
Des pecchés, je truis mencioun; 10370
Cils d’Israel ensi faisoiont
Venant de leur captivesoun:
Esdras commença s’oreisoun,
Et cils del oïr s’assembloiont
En la Cité u qu’ils estoiont,
Dont de lour mals pardoun prioiont,
De ce q’en fornicacioun
Estranges femmes pris avoiont:
Pour ce q’ensi se repentoiont
Dieus en fist l’absolucio
un.
269 10380Mais en priant oultre trestout
270Il falt q
ue l’om
me en soit devout,
271Car meulx valt prier sanz parole
A celluy qui son cuer y bout,
Qe vainement a parler moult
Sanz bien penser, du lange sole:
Car sainte lange ove pensé fole
Ne valt ja plus que la frivole,
Que sanz merite dieus debout;
Sicomme l’en fait de la citole, 10390
Dont en descord la note vole
Et grieve a celluy qui l’escoult.
Cuers q’a sa lange se descorde
En sa priere a dieu n’acorde;
Ainz l’un ove l’autre ensemblement,
Qant lange son penser recorde
Et ly pensiers son cuer remorde,
Lors prie a dieu devoutement,