Crustacea ex anteriore capitis parte defixa, cæmento in hunc usum ex ovariorum portione ad id specialiter modificatâ emisso. Archetypus è segmentis 17 compositus, quorum 3 priora magna, in carapacem sæpissimè conformata, quæ non omnino exuitur et varios motus efficit: antennæ nullæ: oculi rudimentarii: os prominens, formatum è labro, palpis, mandibulis, et duobus maxillarum paribus, quæ omnia partim confluunt: thorax ad superficiem internam sternalem carapacis affixus, plerumque cum membrorum captantium biramorum, multiarticulorum paribus 6: abdomen plerumque rudimentarium: branchiæ, si quæ adsunt, ad inferiora carapacis latera affixæ: plerumque bisexualia; in unisexualibus, mares fœminis parasitice inserti: penis unicus, plerumque probosciformis, ad posteriorem abdominis extremitatem situs: oviductus nulli: metamorphoses multiplices.
Cirripedia quibus pro carapace est aut capitulum pedunculatum, aut testa operculata cum basi. Corpus è 6 thoracicis segmentis, ferè cum 6 cirrorum paribus, constat. Abdomen rudimentarium, sed sæpe cum appendiculis caudalibus. Oris labrum motus proprios non efficit. Larva primò monocula cum 3 crurum paribus, postremò binocula cum 6 crurum thoracicorum paribus.
Cirripedia sine pedunculo: scuta et terga musculis depressoribus instructa: reliquæ testæ valvæ inter se immobiliter conjunctæ.
Rostrum cum radiis, sed sine alis; valvæ testæ laterales omnes, ex uno latere alis, ex altero radiis instructæ: parietes ferè aut porosi aut ad interiorem superficiem longitudinaliter costati.
Scutum et tergum inter se articulata aut mutuò interclusa: branchiarum unaquæque ex unicâ plicâ constat.
1. Genus—BALANUS, Auctorum. (Darwin, ‘Balanidæ,’ p. 177.)
Valvæ testæ 6; basis calcarea aut membranacea; valvæ operculares subtriangulares.
2. Sub-Genus—ACASTA, Leach. (Darwin, ‘Balanidæ,’ p. 302.)
Valvæ testæ 6; parietes et basis non porosa; basis calcarea, cyathiformis, non elongata. Spongiis, aut rarò Isidis cortici, affixa.
3. Genus—TETRACLITA, Schumacher. (Darwin, ‘Balanidæ,’ p. 321.)
Valvæ testæ 4; interdum inter se externè confluentes: parietes poris perforati, multis plerumque seriebus; basis plana, irregularis, calcarea aut membranacea.
4. Genus—ELMINIUS, Leach. (Darwin, ‘Balanidæ,’ p. 345.)
Valvæ testæ 4; parietes non porosi; basis membranacea.
5. Genus—PYRGOMA, Leach. (Darwin, ‘Balanidæ,’ p. 354.)
Valvæ testæ in unam confluentes; basis cyathiformis aut subcylindrica, coraliis affixa.
6. Sub-Genus—CREUSIA, Leach. (Darwin, ‘Balanidæ,’ p. 375.)
Valvæ testæ 4, radiis instructæ; basis cyathiformis, coraliis affixa.
7. Genus—CHELONOBIA, Leach. (Darwin, ‘Balanidæ,’ p. 382.)
Valvæ testæ admodum crassæ, 6; sed ex iis, valva rostralis intùs è tribus valvis rudimentariis conjunctis constat; basis membranacea; scuta angusta, tergis cristâ articulari corneâ conjuncta.
Scutum et tergum (ubi ambo adsunt) non inter se articulata; basis membranacea; parietes sæpe profundè plicati, laminâ exteriore, ad basin versâ, plerumque imperfectâ; branchiarum unaquæque e duobus plicis constat. Testa vertebratis vivis affixa.
8. Genus—CORONULA, Lamarck. (Darwin, ‘Balanidæ,’ p. 397.)
Valvæ testæ 6; æquali latitudine; parietes tenues, profundè plicati, plicis cavitates infrà solùm apertas efficientibus; valvæ operculares orificio testæ multo minores. Cetaceis affixa.
9. Genus—PLATYLEPAS, J. E. Gray. (Darwin, ‘Balanidæ,’ p. 424.)
Valvæ testæ 6; unaquæque bilobata et intùs producta, ita ut 6 medias costas longitudinales efficiant, quæ basin membranaceam extrorsùs convexam sustinent.
10. Genus—TUBICINELLA, Lamarck. (Darwin, ‘Balanidæ,’ p. 430.)
Valvæ testæ 6, æquali latitudine; testa subcylindrica, orificio latiore quam basis, pluribus cristis transversis virgata. Cetaceis affixa.
11. Genus—XENOBALANUS, Steenstrup. (Darwin, ‘Balanidæ,’ p. 438.)
Testa pæne rudimentaria, stelliformis, è valvis 6 formata, è quarum medio corpus longum pedunculiforme exoritur; valvæ operculares absunt. Cetaceis affixus.
Rostrum cum alis sed sine radiis; valvæ rostro-laterales utrinque sine alis; parietes non porosi.
12. Genus—CHTHAMALUS, Ranzani. (Darwin, ‘Balanidæ,’ p. 447.)
Valvæ testæ 6; basis membranacea, sed interdum ad speciem calcarea, ideò quod parietes inflectuntur.
13. Genus—CHAMÆSIPHO, Darwin. (‘Balanidæ’ p. 470.)
Valvæ testæ 4, suturis sæpe admodùm obliteratis; basis membranacea.
14. Genus—PACHYLASMA, Darwin. (‘Balanidæ,’ p. 475.)
Valvæ testæ, conchâ recenter natâ, 8; adultâ aut 6, aut ad speciem 4, ideò quod valvæ laterales arctè conjunguntur; basis calcarea.
15. Genus—OCTOMERIS, G. B. Sowerby. (Darwin, ‘Balanidæ,’ p. 482.)
Valvæ testæ 8; radii marginibus crenatis; basis membranacea.
16. Genus—CATOPHRAGMUS, G. B. Sowerby. (Darwin, ‘Balanidæ,’ p. 485.)
Valvæ testæ interiores 8, cum pluribus exterioribus parvarum supplementalium valvarum verticillis; basis aut membranacea aut calcarea.
Cirripedia sine pedunculo; scuta et terga, musculis depressoribus non instructa, ex uno latere tantum mobilia, ex altero cum carinâ et rostro in testam asymmetricam immobiliter conjuncta.
1. Genus—VERRUCA, Schumacher. (Darwin, ‘Balanidæ,’ p. 496.)
Cirripedia pedunculo flexili, musculis instructo; scuta et terga (si qua adsunt) musculis depressoribus non instructa; reliquæ valvæ (si quæ adsunt) in annulum immobilem non conjunctæ.
1. Genus—LEPAS, Linn. (Darwin, ‘Lepadidæ,’ p. 67.)
Valvæ 5, approximatæ; carina sursùm inter terga extensa, deorsùm aut furcâ infossâ aut disco externo terminata; scuta subtriangula, umbonibus ad angulum rostralem positis.
2. Genus—PŒCILASMA, Darwin. (‘Lepadidæ,’ p. 99.)
Valvæ 3, 5, aut 7, approximatæ; carina solùm ad basales apices tergorum extensa, termino basali aut truncato aut in discum profunde infossum producto; scuta pænè ovalia, umbonibus ad angulum rostralem positis.
3. Genus—DICHELASPIS, Darwin. (‘Lepadidæ,’ p. 115.)
Valvæ 5, quæ ferè pro septem haberi possent, scuto in segmenta planè duo, ad angulum autem rostralem conjuncta, diviso; carina plerumque sursum inter terga extensa, deorsum aut disco infosso aut furcâ aut calyce terminata.
4. Genus—OXYNASPIS, Darwin. (‘Lepadidæ,’ p. 133.)
Valvæ 5, approximatæ; scutorum umbones in medio marginis occludentis positi; carina rectangulè flexa, sursùm inter terga extensa, termino basali simpliciter concavo.
5. Genus—CONCHODERMA, Olfers. (Darwin, ‘Lepadidæ,’ p. 136.)
Valvæ 2 ad 5, minutæ, inter se remotæ; scuta bi- aut tri-lobata, umbonibus in medio marginis occludentis positis; carina arcuata, terminis utrinque pæne similibus.
6. Genus—ALEPAS, S. Rang. (Darwin, ‘Lepadidæ,’ p. 156.)
Capitulum aut sine valvis, aut scutis corneis, pæne abditis.
7. Genus—ANELASMA, Darwin. (‘Lepadidæ,’ p. 169.)
Capitulum sine valvis; aperturâ amplâ; pedunculus fimbriatus, sub-globosus, infossus.
8. Genus—ALCIPPE, Hancock. (Darwin, ‘Balanidæ,’ p. 529.)
(Fœm.) Capitulum sine valvis, aperturâ spinosâ; pedunculus ad basalem extremitatem crescit; superficie rostrali depressâ et disco corneo tectâ; capitulum et pedunculus in cavitate conduntur, ab ipso cirripedio formatâ.
9. Genus—IBLA, Leach. (Darwin, ‘Lepadidæ,’ p. 180.)
(Herm. et Fœm.) Valvæ 4, corneæ; pedunculus spinis corneis, persistentibus vestitus.
10. Genus—SCALPELLUM, Leach. (Darwin, ‘Lepadidæ,’ p. 215, et ‘Lepad. Foss.’ p. 13.)
(Herm. et Fœm.) Valvis 12 ad 15; lateribus verticilli inferioris quatuor vel sex, lineis incrementi plerumque convergentibus; sub-rostrum rarissime adest; pedunculo squamifero, rarissime nudo.
CHARACTERES VALVARUM IN SPECIEBUS FOSSILIBUS.
Carina angusta, introrsùm arcuata, ab apice ad marginem basalem paululum dilatata; carinæ parietes valde inflexi, costis manifestis a tecto plerumque disjuncti; in multis speciebus intra-parietibus instructa; intraparietes nonnunquam supernè producti ultra umbonem carinæ, qui fit inde subcentralis; carinæ parietum lineæ incrementi perobliquæ. Scuta plerumque subconvexa et tenuia, trapezoidea; marginibus tergalibus lateralibusque angulo insigni disjunctis.
11. Genus—POLLICIPES, Leach. (Darwin, ‘Lepadidæ,’ p. 293, et ‘Lepad. Foss.’ p. 42.)
Valvæ ab 18 usque ad 100 et amplius; lateribus verticilli inferioris multis; lineis incrementi deorsùm ordinatis; subrostrum semper adest; pedunculus squamiferus.
CHARACTERES VALVARUM IN SPECIEBUS FOSSILIBUS.
Carina ab apice ad marginem basalem multum dilatata, apice plerumque liberè prominente; carinæ parietes à tecto non distincté separati, lineis incrementi parietum parum obliquis. Scuta plerumque subsolida, convexa, subtrigonalia, margine tergo-laterali plus minusve eminente, sed non angulo in margines duos discreto.
12. Genus—LITHOTRYA, G. B. Sowerby. (Darwin, ‘Lepadidæ,’ p. 332.)
Valvæ 8, si inter eas parvum (sæpe rudimentale) rostrum et duo parva latera numerentur; incrementi lineis concinnè crenatis; pedunculus squamis calcareis parvis vestitus, in verticillis superioribus crenatis, aut calyci basali calcareo aut discorum ordini affixus.
13. Genus—LORICULA, G. B. Sowerby, jun. (Darwin, ‘Lepad. Foss.’ p. 81.)
Capitulo decem (fortasse) valvis instructo. Pedunculo seriebus decem squamarum lævium calcarearum instructo; sex lateralibus multum transversè elongatis; quatuor terminalibus angustis; secundùm pedunculi margines rostralem et carinalem decurrit sutura medialis recta, squamis non intersecantibus.
Cirripedia quibus carapax lageni-formis est; corpus ex 1 cephalico, 7 thoracicis, 3 abdominalibus segmentis constat; quorum abdominalia tribus cirrorum paribus muniuntur; thoracica membris carent. Oris labrum longè producitur et motus proprios efficit; œsophagi inferior extremitas dentibus munitur. Larva, primò ovöides, sine externis membris, sine oculo; postremò binocula, thoracicis cruribus nullis.
1. Genus—CRYPTOPHIALUS, Darwin. (‘Balanidæ,’ p. 566.)
Cirripedia quibus carapax ad duo separata fila (quæ defigendo inserviunt) redactus est. Corpus ex 1 cephalico, 7 thoracicis, 3 abdominalibus segmentis constat, quæ omnia cirris carent. Os suctorium, mandibuli et maxillæ (dorsis inter se appositis) cucullo includuntur, qui è labro et palpis confluentibus formatur. Metamorphoses incognitæ.
1. Genus—PROTEOLEPAS, Darwin. (‘Balanidæ,’ p. 589.)