Gespott und ubel handelung müssen dick aufhalten durch warheit willen die leut. Gleicher weise geschicht mir. Unmuglicher ding rumet ir euch, ungehort werk wurket ir, gewaldes treibt ir zu vil, gar ubel hapt ir an mir gefarn. [Z. 5] Das muet mich allzu sere. Wann ich dann darumb rede, so seit ir mir gehessig und werdent zornes vol. Wer ubel tut, der wil nit untertan sein und strafung leiden, sunder mit ubermut alle ding vertreiben. Der sol gar eben aufsehen, das im nit unwillen darnach begeine! Nempt beispel [Z. 10] bei mir. Wie zu kurtz, wie zu lang, wie ungutlich, wie unrecht ir mir mit hapt gefaren, dannoch dulde ich und rich es nit, als ich zu recht solte. Noch heut wil ich der besser sein. Han ich icht unhubsches oder ungleiches gegen euch geparet, des unterweist mich: ich wil sein gern willigclich [Z. 15] widerkomen. Ist des nicht, so ergetzent mich oder underweisent mich, wie ich widerkome meines grossen herzeleides. Werlich also zu kurtz geschach nie manne.[28] Uber das alles mein bescheidenheit sullt ir ie sehen.

1. C. decimum Nonum A. des clagers w. (so auch a) das XVIIII. Cappittell Cb. Der Ackerman spricht zu dem tode also D. 2. offt vffh. die lewt Cab. 3. dicke vmb warheit willen auffenthalten D. die (der ab.) warh. w. Cab. beschiht m. ouch D. 4. vnuolgelicher B. römt C, berümet D, rumpt a. r. ich b. euch vnd C. vngehörtte wercke wurcken D. würcken B. das erste ir fehlt B. 5. gewult ubet D. zumal gar vil Cab. gar fehlt C. müwet B, mut ab. also B, gar sere D. 6. dann fehlt BCD. daruff rede so werdent ir D. 7. seind C. hessig B. werdent fehlt D. zorntz B. der fehlt A. 8. tut vnd wil Ca. undertenig sein v. st. vffnemen vnd leyden Cab. straff D. 9. aller ding A. ding hintreyben D. 10. eben synnen das i. kain vnwilliger affterrew darnach D. 12. an mir haptn gef. BD, mir habend mitgefaren C, mit gefaren hapt a. 13. als mir von Recht gepurtt D. ich fehlt B. 14. hevt so w. C. ichts vngleichs oder unhubsch Cab, unhübsch D. bewerret B. 15. gebraucht oder verworrens desz Cab. vnderrichtent D. damit ich widerkom meines hertzenlaides D. 16. s. gar widerkennen C. Von ist des nicht bis gr. herzeleides fehlt D. ergetzt mich meins schadens Cab. 18. W. so kurtz CDa. n. keinem man Ca. beschah niemant D. 19. Aber über das alles sult ir ye mein bescheidenheit sehen D. ie fehlt C.

Eintweder ir widerbringt, was ir an meiner traurenwenderin, an mir und an meinen kinden arges hapt begangen, oder kompt des mit mir an gott, der do ist mein, ewr unde aller welt rechter richter. Ir mocht mich leicht erbitten: ich wolt es zu euch selber lassen. Ich trawet euch wol, ir [Z. 5] wurdent ewer ungerechtigkeit selber erkennen und darnach mir genug tun nach grosser untat. Begent die bescheidenheit! Anders es must der hamer den amposz treffen und hert wider hert wesen,[29] es kum, warzu es kumme!

Mit guter rede werdent gesenft die leute, bescheidenheit [Z. 11] behelt die leut bei gemach, gedult bringet leut zu eren, zorniger man kan nicht entscheiden. Hettestu uns vormals gutlichen zugesprochen, wir hetten dich gutlich unterweiset das du nicht billich den tot deins weibs clagen soltest unde [Z. 15] beweinen. Hastu nicht gekant den weissagen,[30] der in dem bade sterben wolt, oder sein bucher gelesen, das niemant sol clagen den tot der totlichen? Waistu des nicht, so wisz: als balde ein mensch geporen wirt, als balde hat er den leikauf getrunken, das er sterben musz.[31] Anfanges geswistre [Z. 20] ist das ende. Wer auszgesant wirt, der ist pflichtig wider

1. Ayntweders D. w. vns A. das C. trauwenderin A, getrewen wenderin D. 2. von mit mir bis do ist fehlt D. an meinen D. mein 3. vnd e. BC. 4. rech richter B. mugtt C. selb D. 5. In dem getrawen das ir ewer vng. D. trewet A. 6. erkantet vnd mir genug tättet hieuon n. D. und fehlt A. 7. solher (so auch ab.) grosenn C. begert AB, beget ab. 8. müste der Ampasz den hammer treffen vnd h. D. amboss Ba. 9. kum gleich Cb, es käm Joch warzu es wölt D. zu wo ABC.

10. cappittulum vicesimum A. w. vnd das XX capitel Cb. spricht der todt aber zu dem Ackerman also D. 11. gefestent A. 12. b. helt Cab, behaltet D. die gedult C. die leut D. 13. kan den man A. der (die b) warhait n. e. kan ab. vormalen C. 14. zu sprechen B. 15. pillichn D. seins w. A. 16. noch beweinen soltest D. bekant Seneca den w. D. 17. oder hastu nicht seine Cab. verlesen D. 18. wistu A, wassust du nicht B. 19. balde vnde ein A. von ein mensche bis als balde fehlt B. wurdet B. so hat er D. es Ca. 20. winkoff B, weynkauff D. es BCa. sole B. geschwisterdigz B, geswistriget C, geswisterde D. 21. der B. schuldig C. w. hayme z. D.

zu kommen. Was ie geschehen sol, des sol sich niemant widern. Was alle leut leiden mussen, das sol einer nit widersprechen. Was ein mensch entlehent, das sol er widergeben. Ellend bauwen alle leut auf erden, von icht zu nicht mussent sie werden. Auf snellem fuss lauft hin der menschen [Z. 5] leben: ietzund lebend, in einem hantwenden gestorben. Mit kurtzer rede beslossen: ein ieder mensch ist uns ein sterben schuldig und ist im angeerbet zu sterben. Beweinestu aber deins weibes jugent, du tust unrecht: als schier ein mensche lebendig wirt, als schier ist er alt genug zu sterben.[32] Du [Z. 10] meinst leicht, das alter sei ein edel hort? Nein, es ist suchtig, arbeitsam, ungestalt, kalt und allen leuten ubel gefallent. Es taug nicht und ist zu allen Sachen entwicht. Zeitig opfel vallen gern in das kot,[33] reisende[34] biren vallen gern in die pfutzen. Clagestu dann ir schone, du tust kintlich. Eines [Z. 15] iglichen menschen schone musz eintweder das alter oder der tot vernichten. Alle rosenvarbe mundlein, alle rote wenglein mussent bleich werden, alle liechte augen mussent tunkel werden! Hastu nicht gelesen, wie Hermes[35] der weissage leret, wie sich ein man huten sol vor schonen weiben und [Z. 20] spricht: was schon ist, das ist mit teglicher beisorge swere zu halten, wann sein alle leut begeren; was scheutzlich ist,

1. g. musz das soll D. 2. a. welt l. müssen C. nit fehlt B. 3. ainer. mensch fehlt. 4. geyt er pillich wider D. 5. fusslauff A, f. lofft B, fuessen lauffet C. des menschen l. C, loben A, der welt leben D. 6. ietz mit leben B, yetzunder leben vnd in C. lebendig in kleiner zeitt tot gestorben D. hantwilen B. h. nicht Cab. gestorben fehlt ab. 7. mit kurtzer r. bis angeerbt zu sterben fehlt D. ein fehlt BCab. 8. ist ainst ain B, vnd in arbeyt z. A. vnd in bis sterben fehlt C, anerbeit a. 9. als pald ein m. D, sch. als ein A. 11. villeicht CDab. hoher hort C. 12. sichtig AB. vngestalt B. arbeit AB, arbaittig D. leuten fehlt B. vngefallig C. gefallen. 13. töge B, er tobet nitt D. allen fehlt AD. 14. katt C, kautt D. heisend a. 15. das pfütz D, pfutzschn b. t. vnrecht vnd kyntlich D. 16. yedenn Cab. der tot oder die weltsame alter v. B. d. todt oder aber das alter D. 17. mundlein muszen abgeuarb werden ab, vnd alle r. D, alle rote wenglein fehlt C. 18. liecht A. äuglein Cab. 19. nit gehörtt wasz H. D. 20. lernet ABC. wie man sich h. D. frawen C. was da sch. D. 21. das ist fehlt AB. sorge D. selber B, swärlich zu haben D. 22. behalten Cb. begeren welichs schultes es ist B, b. was dann vngestalt ist D.

das ist leichtlich zu halten, wann es miszvellet allen leuten? La faren! clage nicht verlust, die du nit kanst widerpringen!

Die strafung gutlichen aufnemen und darnach tun sol weiser man: hore ich die weisen jehen! Ewr strafung ist [Z. 5] noch leidenlich. Wenn dann ein guter strafer auch ein guter anweiser wesen sol, so ratent unde unterweisent mich, wie ich so unsegelich leit, so jemerlichen kumer, so ausz der massen grosz betrubnisz ausz dem hertzen, ausz dem mut und ausz dem sinne auszgraben, ausztilgen und auszjagen [Z. 10] sol. Bei gott, unvolsegenlich hertzeleit ist mir geschehen, do mein zuchtige, trew und stete hauszere mir so snelle ist enzucket, sie tot, ich witwer, meine kint weisen worden sint. O her Tot, alle welt clagt uber euch unde auch ich, das nie so boser man wurde, er wer an etwas gut. Ratent, [Z. 15] helfent und stewrent, wie ich so sweres leit von hertzen werfen muge unde meine kinder einer sollichen reinen muter ergetzet werden: anders ich unmutig und sie traurig immer wesen mussen. Und das sollt ir mir nit in ubel verfahen: wann ich sihe, das unter unvernunftigen tieren ein gat umb [Z. 20]

1. leitlich AB, leichticlich z. behalten C, leidenlich a. wann] das A, wa ez B. wenn es CDab. 2. lasz f. clag nit solch v. den Cab. Darumbe lasse varen, cl. n. den v. den du nymer machst widerpringen D.

3. Capitulum vicesimum primum A. d. clagers w. vnd das XXI. c. Cb. Der Ackerman spricht D, 4. Mit st. AB, Wie St. C, Gut st. güttlich D. ie st. a. vffzunemen C. vnd fehlt ABCab. 5. sol ein man Ca. cluegen Cb, clugen a. Iheen A. straffen D. i. euch A, och B, noch fehlt Cab. 6. welicher man der ainen in gůttem straffet auch ein g. D. 7. vnd so r. Ca. wie im AC. 8. unsuglich B, entlichs C, unenttlichs ab. leiden vnd D. bekumer C. 9. betrüpnusz Ca. 10. und fehlt Ca. vnd vsztilgen C. sullen A, sollen B, solle D. 11. vnuolle sagenlichs C. gescheen A. beschehen da mir mein D. 12. zuchtige frawe B. getrewe D. stetige C. mir fehlt D. schnede B. 13. Die ist tode darvmb ich ein wittiwer vnd meine Cab. witowe B. kinder CDa. 15. man dann ir es were doch an im ettwas Cb, auch etwar zu gütte D. 17. müg vnd wie meine CDa. 17. e. mügen werden D. vnd fehlt Cab. 18. ymer mussen werden (wessen ab.) Cab. 19. vnd fehlt D. mir in vbel nicht C. 20. sich (so auch B.) wol das Cab. eint gat A, ain gütte B, gat fehlt D.

des andern tot trauret von angebornem zwange. Hilf, rates und widerbringens seit ir mir pflichtig: wann ir hapt mir getan den schaden. Wo das nicht geschehe, dann gott het in seiner almechtigkeit nindert rachung. Gerochen must es werden wider, unde solt darumb hawen unde schaufel noch [Z. 5] ainest gemuet werden!

Ga ga ga, snattert die gans, man predig, was man wol: sollich fadenricht spinnest auch du.[36] Wir hant vor entworfen, das unclegelichen wesen sol der tot der toten, [Z. 10] seit dem maln das wir ein zollner sein, dem alle menschen zoll mussen geben. Wes widerstu dich? Wann werlich, wer uns teuschen wil, der teuschet sich selber. Lasz dir eingeen unde vernim: das leben ist durch sterbens willen geschaffen. Were leben nicht, wir weren nicht, unser gescheft wer [Z. 15] nichts. Domit wer auch nit der welt ordenung. Eintweder du bist sere leidig oder unvernunft hauset zu dir. Bistu unvernunftig, so bit gott umb vernunft zu verleihen! Bistu aber leidig, so prich ab, las faren, nim das fur dich, das ein wint ist der leut leben auf erden! Du bittest rat, wie [Z. 20]

1. a. gatten tode Cb. angeborem ABCDab. 3. getan fehlt B. geton vnuertraglichen schaden D. geschee A. beschähe so gott D. herre B, hat C, hett fehlt D. 4. kein rachung Cab, kein rach D. 6. wider werden Cab. wider fehlt D. schufflen B. 6. unde aynsten gemuhet A, gemüwet B, werden gemüett D. vnd gepruchen sin B.

7. Capittulum vicesimum secundum A. vnd das XXII c. Cb. spricht der tod D. 8. gagagack D. g. lampt lampt (lamp lamp ab) sprich der wolff Cab. 9. solch Ca. soliche vadenrechte D. w. haben BD. wir haben dir vor ee entworfen Cab. hynentworffen das da D. 10. tot ertoten A, sol der toten B, tode dem totten C. 11. seyttemalen C, seyder D, seynt einmal ab. zoller sind DC. ir leben zollen (so auch D.) vnd vermawten müssen Cab. 12. was BCa. wirdestu A. w. dann dich D. dann Ca. 13. betuscht b, bedewschet Ca. selb D. 14. daz das: ist fehlt Cab. ist erschaffen Cab. 14. das leben nicht so weren wir auch nichts Cab. n. wer weren A. wir weren nicht fehlt D. 15. eschöpffe D. 16. auch nicht C. 17. leidig oder Cb, hast A, husset in d. B, hausset mit bei dir D. 18. dir zu leihen D. 19. vnd lasz C. dich das es Cab. nym war das der D. 20. leut leben auf erden ain wyndt ist D. vff ertrich C.

du leit ausz dem hertzen bringen sollest. Aristoteles hat dich vor gelert das freude, leit, vorcht und hoffnung, die vier alle welt bekümmern und nemlich die, die sich vor in nit kunnen huten. Freude und vorcht kurtzen, leit und hoffnung lengen die weil. Wer die vier nit gantz ausz dem mut [Z. 5] treibet, der musz alle zeit sorgende wesen. Nach freud trubsal, nach lieb leit musz hie auf erden kommen. Lieb und leit mussent mit einander wesen. Eines ende ist ein anfang des andern. Leit und lieb ist nicht anders, dann wann icht ein mensch in seinen sinnen verfasset und das [Z. 10] nicht heraustreiben wil, gleicher weise, als mit genugen niemant arm und mit ungenugen niemant reich wesen mag: wann genugen und ungenugen nicht an hab noch auszwendigen sachen sint, sunder in dem mut. Wer alle lieb ausz dem hertzen treiben wil, der musz gegenwertigs leit alle [Z. 15] zeit tragen. Treibe ausz dem hertzen, dem sinne und dem mut liebes gedechtnusz: allzuhant wirdestu traurens uberhaben. Als bald du icht hast verloren unde es nicht kanst widerpringen, tu als es dein nie sei worden: hinfleucht allzuhant dein trauren. Wirdestu das nicht tun, so hastu mer [Z. 20] leides vor dir; dann nach igliches kindes tot widerfert dir hertzeleit, nach deinem tode in allen hertzeleit, dir unde in,

1. mugest C. h. sagen solltt D. 2. dich es BCab. gelart A, dich gelernett CD. 3. bekomern A. ierlich A, ieglich B. die fehlt CD. 4. k. richten noch huten A, nit mögen gehütten Cab, nit gehütten künnen wann f. D. 5. lengerent D. synne Cb. 6. vorgende A, in sorgen BD. allzeit mit sorgen Cab. 7. m. hie mit C, mit bey e. D. 8. wesen uff erden ein C. ist eines AB. i. des andern a. D. 9. Lieb vnd layd D. d. wenn Cab, dann fehlt D. 10. mensch ichts in seinem synne C, so ein mensch ichtz D. 11. das er ausztreiben AB. a. ongenugen Cb, angenugen a. 12. arm vnd mit bis niemant fehlt Cab. 13. on vszw. C, an auszw. D. 14. sonder A. sunder fehlt D. i. d. gemüte D. l. nicht D. 15. m. allezeit g. leydes erwarten D. gegenwurtiges Cab. leit wegen C. 16. vsz dem h. vsz dem s. Cab. 17. leibes ged. A. hant so Cab. all fehlt D. wurdestu D. 18. unde du C, vnde fehlt D. 19. das du nit widerpringen macht D. tüe als ob es D. 20. wurdestu es C, wilt du das nicht D. hastu noch vil mer D. 21. wann Cab. 22. nach deinem tode fehlt AB. nach deinem t. bis dir unde fehlt C. tode ouch hertzenlayde Dab. vnd desgleichen dir vnd in allen D. also widerfert dir vnde in hertzenlaide ab.

wann ir euch scheiden sollt. Du wilt, das sie der muter ergetzet werden. Kanstu vergangene jare, gesprochen wort unde verruckten magtum widerbringen, so widerbringestu die muter deiner kinde. Ich han dir genug geraten. Kanstu es versten, stumpfer pitel?[37] [Z. 5]

In die leng wirt man gewar der warheit: als lang gelernet, etwas gekunnet. Ewer sprüch sint susz und lustig: des ich nu etwas empfinde. Doch solt freude, lieb, wunne unde kurtzweil ausz der welte vertriben werden, [Z. 10] ubel wurde sten die weit. Des wil ich mich ziehen an die Romer. Die habent es selbs getan unde habent das ire kinder gelernet, das sie lieb in eren haben, turniren, stechen, tantzen, wettlaufen, springen und alle zuchtige hubscheit treiben solten bei mussiger weil, auf die rede das [Z. 15] sie die weil boszheit weren uberhaben: wanne menschlichs muts sinne kan nit mussig wesen. Eintweder gut oder bosz musz allzeit der sin wurken. In dem slaf wil er nit mussig sein. Wurde denn deme sin gute gedenke benomen, so wurden ime bose ein gen. Bosz ausz, gut ein: die wechslung [Z. 20]

1. schenden A. dz sie wider ir B. das sie Irer C. dass deine kindt Ir mutt D. 2. jare fehlt C. 3. widerbringestu auch Db. 4. kinder C. g. gesagt D. 5. schompfer pitel so vernim B, kupffer pickel Cab, stumpfer Asine D.

6. Cappitulum vicesimum tercium A. Des clagers w. das XXIII Cappittel Cb. so spricht der Ackerman aber vnd antwurtt dem todt D. 7. lennge CD. 8. gekundet A. sprüche die sint B. süsse v. lustsam D. 9. nu wol e. D. du solt ... vertreiben A. lieb vnde w. A. solt liebe fröde wunne B. werden fehlt A. 10. getrieben C. 11. würd D. selber B. 12. habent fehlt D. 13. zu eren A. das sie i. e. habent liebe D. 14. weczaffen sprungen A. allerlay BD. 15. hübschikait B, hüpschkeit C. h. das sie treiben D. sollen C. auf die meinung D. 16. das sie dieselbigen (so auch b.) weille der poszheit werden uberhaben Cb, würdent uberh. D. 17. mussig sin wurden no wesen B. Etweder A. Aintweder der gut C. 18. musz allwegen A. Von in dem sl. bis wurde denn deme fehlt B. 19. sinnen gůtt D. gut gedanncken Ca, bedencke B. benumen ab. 20. zu gon gut vsz bosz in B, eingan gut ausz Bosz ein Gut ein Bosz ausz CDab.

musz bis an das ende der welte weren. Sider freude, zucht, scham und ander hubscheit sint ausz der welt vertriben, sider ist sie boszheit, schanden, untrew, gespotte unde verreterei zumal vol worden. Das sehent ir teglichen. Solt ich danne die gedechtnusz meiner aller liebsten auszdem [Z. 5] dem sinne treiben? Bosz gedechtnusz wurden mir in den sin wider komen. Als mer wil ich meiner allerliebsten allwegen gedenken: wann grosses hertzeleit in grosse hertzenlieb wirt verwandelt. Wer kan das balde vergessen? Bosz leut tun selten gut. Freunde stet gedenken an einander. [Z. 10] Ferre wege, lange jare scheiden nit liebe freunde. Ist sie mir leiplichen tot, in meiner gedechtnusz lept sie mir doch immer. Her Tot, ir must treulichen raten, sol ewer rat icht nutz bringen: anders ir fledermausz must als vor der vogel veintschaft tragen! [Z. 15]

Liebe nicht alzu lieb, leid nicht alzu leide sol umb gewin und umb verlust weisen man wesen. Des tustu nit. Wer umb rat bittet und rates nicht volgen wil, dem ist auch nit zu raten. Unser gutlich rat kan an dir nicht geschaffen. [Z. 20] Es sei nu dir lieb oder leit, wir wollen dir die

1. bis zu D. werren B, werden a. seyder CD. 2. zewcht A. 3. vertriben sind D. seyder CD. poszheit gespött vntreu vnd verreterei D. vngetriuwe B. 4. das prüfft man t. D. 5. ich auch d. D. die gedachten D. 6. treiben zu handt wurden mir böse ged. in den sin komen D. mochten oder wurden b. 7. mir wider in die synne C. wider fehlt D. 8. allwegen fehlt C. dencken D. hertzelieb ACDab. hertzenleit ACDab. 9. wurtt gewandelt D. des pald Ca. 10. tun selb A, tünd das selbe D. stette frewnnde C, gütt fründt D. 11. ferren C. vnd lange j. D. 12. lieplichen A. noch B. mir fehlt D. 13. ymmer mere D. müssent getrewlichen D. getruilicher B. sol anders ewr r. Ca. rat ettwas D. 14. nutzes B. anders fehlt Cb. oder ir fledermeusz Cab, ir als ein fledermausz D. müssent aller ander vogel D. 15. vogel fehlt B.

16. Cappitulum vicesimum quartum A. w. vnd das xxiiij Cb. Antwurt der tod dem ackerman D. 17. nit zu l. D. nit gar zu D. 18. vmb fehlt D. bey weisen lewtten Cab, wissen m. B. weiser man D. dz B. 19. vnd dem nicht D. 20. zu raten vnd geschaffen A. unser g. bis geschaffen fehlt A. 21. gehelffen Cab. wellen B.

warheit an die sunnen legen, es höre wer do wolle! Dein kurtze vernunft, dein abgesnitten sinne, dein holes hertz wollen ausz leuten me machen, dann sie gewesen mugen. Du machst ausz einem menschen, was du wilt. Es mag nit mer sein, dann als ich dir sagen wil mit urlaub aller [Z. 5] reinen frawen. Ein mensch wirt in sunden empfangen,[38] mit unreinem ungenantem unflat in muterlichem leibe generet, nacket geboren und ist ein besmiret binstock, ein gantzer unflat, ein unreiner lust, ein katfasz, ein unreine speisz, ein stankhausz, ein unlustiger spulzuber, ein faules asz, ein [Z. 10] schimmelkast, ein bodenloser sack, ein locherte taschen, ein blaszbalk, ein geittiger slunt, ein stinkender leimdigel, ein ubelrichender harnkruk, ein ubelsmeckender eimer, ein betrigender totenschein, ein leimen rauphausz, ein unsatik leschkruk[39] und gemalte betrugnusz. Es merk, wer do [Z. 15] wolle: ein igliches gantz gewurkts mensche hat neun locher in seinem leibe; ausz den allen fleusst so unlustiger und unreiner unflat, das nicht unreiners gewesen mag. So schones mensche gesahestu nie, hetestu eines lintzen augen unde kondest es innwendig durchsehen, [Z. 20] dir wurd daruber grauwen. Benim und zeuhe abe der

1. sonnen A. zu dem tag pringen D. welle B. 3. wellen B, will D. mer machen denn (dann Da) sie gesein mögen (mügent D.) CDab. wann A. 4. Nu mach D. menschen said B. vnd es m. doch nicht Cab. so m. er doch n. m. D. 5. als uil ich dir sagen wil C. 6. aller fromer f. B, zartten D. ein iegliches m. (wurdet C.) Cab. 7. vnd vngenantte Ca. mütterlichen ABCab. laib D, leiben ABab. 8. erneret vnd nacket vnd ist bis binstock fehlt D. besmirbet als ein paustock (pinstock b.) Cb. 9. g. ain vnrainer lust B. unflat ein unreiner fehlt Cab. vnlust Cab. ein katfasz fehlt D. 10. ein stankhausz fehlt D. ein unlustiger bis asz fehlt C. spulzubel D. 11. ein faules asz ein schimmelkast fehlt D. locherten A. ein locherte taschen fehlt D. 12. geycziger A. schlont B. ein stinkender leimdigel fehlt CDab. 13. harmkruck A, harnkug B. ein ubelsmeckender eimer fehlt D. 14. betriegter B, betrogener D. töckenschein Cab. ein leimen rauphausz fehlt Cab. ein irdin rauphausz ein zumal vols vasz aller betrübnisse D. 15. unstetig leschrock ain gem. betrubnusz B. betrubnusz A. 16. ganczgewurcks A, gantzes gew. C. yeglicher gancz gewurckter D. 17. in seinen leip A, sinen lib B. fleusst fehlt D. 19. schönen menschen D. gesachstu B. hest Bab. 20. vnd hettest eins (... Lücke) augen C. des tyerer lincetten D. es fehlt D. innw. sehen B. 21. darab Ca. grausen D. zeuch ab C.

schonsten frauwen des sneiders varbe, so sihestu ein schemliche tocken, ein schir swelckende[40] plumen und kurtz taurenden schein und einen bald vallenden erdenknollen. Weise mir eine hant vol schon aller schonen frauwen, die vor hundert jaren haben gelebt, auszgenomen der gemalten an der [Z. 5] wende, und habe dir des keisers kron zu eigen! La hinfliessen lieb, la hinfliessen leit! la rinnen den Rein als ander wasser, ausz Eseldorf weiser gotlink!

Pfei euch, boser schadensack! wie vernichtet, ubel handelt, [Z. 10] uneret ir den werden menschen, gottes allerliebste creature, domit ir auch die gotheit swechent! Aller erst bruf ich das ir lugenhaft seit unde in dem paradeisz nicht getirmet, als ir sprecht. Wert ir in dem paradeisz geschaffen, so west ir das gott den menschen und alle ding geschaffen hat, sie [Z. 15] allzumal gut geschaffen hat, den menschen uber sie alle gesatzt hat, im ir aller herschaft bevolhen und im in seinen sussen[41] untertenig gemacht hat, also das der mensche den tieren des ertereiches, den vogeln des himmels, den vischen

1. schonsten frawen des schneiders Ca. sinders B. schammige D. 2. kurtztruvenden A, trawrenden Ca. 3. e. knoll A. wisse B, zaig D. 4. h. voller C. schone der aller schonsten f. Cab. die ye vnd ye haben gelebt D. 6. hende A. der wandt vnd hab Cab. an den wenden D. des küniges D. zugewalt C. las ACD. 7. fliessend lieb lasz her in laid lasz her in layd lasz gen den Rein D. la fliessen B, lasz hinfl. C. las A. la rine B. 8. ausz fehlt ABCDab. kein Esel bedarff nit weiser gottling D.

9. cappitulum vicesimum Quintum A. Des clagers w. vnd das xxv c. Cab. Der ackerman gibt aber dem todt antwurt vnd spricht also D. 10. schanndensack CD. vernichtest B, wie gar vernicht Cab. u. handelst B, u. handlen D. 11. vnerend CD. werden fehlt D. creatuer A. 12. schmehett BCab. 13. lugenhefftig B. vnd nit in Cab, nicht fehlt Cab. beschaffen als ir dann sp. Cab. nit geschöpffet D. 14. wann werent D. geuallen ABCab. 15. das das g. Ab. beschaffen BC, geschaffen D. hat fehlt D. sie fehlt Cab. 16. sie a. bis gesch. hat fehlt BD. zumal D. geschaffen hat fehlt Cab. hat fehlt D. vnd den m. Cab. menschen fehlt ABD. alle fehlt C. 17. hat fehlt D. im ir aller bis gemacht hat fehlt B. im alle h. D. im in Cab, ym die D. 19. dz erterich B. vogel alle Hss. den vischen fehlt C.

des meres unde allen fruchten der erden herschen solte, als er auch tut. Solte dann der mensch so snode, bosz unde unrein sein als ir sprechent, werlich so het gott gar unreinigclichen und gar unnutzlichen gewurket. Solt gottes almechtige wirdige hant so ein unreines und unfletiges [Z. 5] werke haben gewurket, als ir schreibent, ein streflicher und gemeiligter wurker were er. So stunt auch das nicht, das gott alle ding und den menschen uber sie zumal gut het beschaffen. Her Tot, lat ewr unnutz claffen! ir schendent gottes allerhubschstes werk. Engel, teufel, schretlein,[42] clagmuter,[43] [Z. 10] das sint gottes zwangwesen. Der mensch ist das allerachtberste, das allerbehendest und das allerfreiest gottes werkstuck. Im selber gleich hat es gott gepildet, als er auch selber in der ersten wurkung der welte hat gesprochen.[44] Wo hat ie werkman gewurket so behendes und reiches [Z. 15] werkstucke, einen so werkberlichen cleinen closz als eines menschen haupt? In dem ist kunstereich allen gottern verborgen abenteuer. Do ist in des augen apfel das gesicht, das allergewist zeuge meisterlichen in spigels weise verworket; bis an des himmels clare wurket es. Do ist in den [Z. 20]

1. des meres vischen B. sullen A, sol B, solltet C. 2. tut So dann D. schnode B, so bosz vnd (vnd fehlt D.) schnöd CD. 3. vnde fehlt B. gott so unrainlich BCab. 4. got gar ein vnnutzlich werk gewurcket D. vnd so gar v. C. 5. wirdige fehlt Cab. w. weiszhaitt so D. ein fehlt B. vnrainiges vnd so B. menschenwerke ABDab. 6. als ir bis w. were er fehlt C. ir sprechent ein strafflicher vnd vnnützer w. D, als ir do sprecht (annsprecht a.) so wer er ein streflicher wurcker ab. 7. so wer auch D. das fehlt CDa. 8. alle ding vnd fehlt D. m. vnd alle ding zumal gut beschaffen hat vnd in über die creatur gestetzt hat D. 9. last Cb, lassent D. vnnutz fehlt C. 10. allerhupscht geschopff Cb, allerklugstes D. schrettly B. scherttlein Cb, t. töcklein vnde D. 11. das sint geyst in gottes gezwang (zwang B.) gewesen (wesen B.) BCab. ist aber D, ist der B. 12. achtperist. behendist BC. allerstiffest B. gottes fehlt D. 13. selbs Cab. gleich und gott fehlt B. hat in g. D. als er dann selbs in dem Cab. 14. selber fehlt D. e. vrkund Cab. welte selbs gesp. hat D. 15. werkmayster D. g. so ain D, ein so b. Ca. des reiches A, reiches fehlt B. 16. wurckestucke A, wirckenstucke B. so einen w. D. einen cleinen C, cleinen fehlt D. 17. kunstreiche Abentewr allen gottern verporgen Cab. künstlich alle haymlich aberteure verporgen D. 18. in dem D. der gesicht der a. Cb. 19. zwige B. zeugwerck meisterlichen bisz an des hymels klarhait in spygels w. verworcket D. 20. gewurcket C. clare wurckung Cab.

oren das verre wurkende gehoren gar durchnechtigclichen[45] mit einem dunnen fell vergittert zu prufung unde unterscheit mancherlei susses gedones. Do ist in der nasen der ruch, durch zwei locher ein und ausz gend gar sinnigclichen verzimmert zu beheglicher senftigkeit alles lustsames unde [Z. 5] wunnsames riechens, das ist nar der sele. Do sint in dem munde zen, alles leipfuters teglich malende einsacker; darzu der zungen dunnes blat den leuten zu wissen bringet gantz der leut meinung. Auch ist do des smackes allerlei kost lustsame prufung. Do bei sint in dem kopf ausz hertzegrunde [Z. 10] gende sinne, mit den ein mensch, wie verre er wil, gar snel reicht. In die gottheit und daruber gar climmet der mensch mit den sinnen allein. Der mensche ist empfahende der vernunft, des edel hordes. Er ist allein der lieplich klosz, dem gleichen niemant, wann gott gewurken [Z. 15] kan; darin alle behende werk, alle kunst und meisterschaft mit weiszheit sint gewirket. Lat faren, herre Tot! Ir seit des menschen veint: darumb ir kein gutes von im sprechent.

1. sere gew. ABD. durchmechtigclichen ABD, durchwaltigclich Cab. 2. vergattert D. vnd zu B. prufung unde fehlt B. vnterschait merckunge D. 3. allerlei D. suessz gedöns C. rawch CDa. r. oder nack B. 4. zwair C. ausz mit geenden A, löcher mit dem athem ausz vnd eingen gar D. 5. verzirmet B. mit behegl. Cab. 6. rechens AC. narung B. das ist nar der sele fehlt Cab, des da ist auch narunge D. 7. zene CD. die alles ... sind malen b, vnd alles leipfuter sind teglichen C. insticker B, einsacker fehlt CDab. 8. den leuten fehlt D. zu wissende D. 9. der menschen Cb, lautten D. ist da der koste schmackung C, darinn ist ovch der gesmack D. allerley kost fehlt CD. 10. lötsam B. alles lustes vnd kostsamer prüfung darzu sind D. 11. gen der vernünfftige synne D. verre fehlt A. 12. schnell D. gar snell reicht fehlt D, verre richtet C. in die höhin der gotthayt reichet vnd gantz darüber clymet D. gar cleyner A. climet ist B. 13. vnd darumb so kombt es dartzu das der C. daruber gar kompt der m. b. der mensche fehlt Cab. 14. ist empfangen Cab, empfahen D. vnd mit der v. vor allen anderen tieren Cab. des edel hordes fehlt Cab. hardes A. 15. leyplich A. clös B. gleycht A, gleichn n. gleich n. dann Cab. wann gott fehlt D. gott allein Cb. 16. als behende A. 17. in weyszlicher kure sind gewurcket D. londt D, last f. C. 18. dauon D, von in ABC. 19. sprecht Cab, redent D.

Schelten, fluchen, wunschen, wie vil der ist, konnen keinen sack, wie klein der ist gefullen. Darzu wider vil redende leut ist nit zu kriegen mit worten. Es ge nur für sich mit deiner meinung das ein mensche aller kunst, [Z. 5] hubscheit unde wirdigkeit vol sei: dannoch musz er in unser netze vallen, mit unserm garne musz er gezucket werden. Gramatica,[46] gruntvest aller guten rede, hilfet do nit mit iren scharpfen unde wol gegerbten worten; Rhetorica, bluender grunt der liebkosung, hilfet do nit mit iren [Z. 10] bluenden und reingeferbten reden; Loica, der warheit und unwarheit fursichtige entscheiderin, hilfet do nit mit irem verdackten verslahen, mit der warheit verleitung und krumerei; Geometria, der erden bruferin, schatzerin und messerin, hilfet do nicht mit irer unfelender masz, mit irem [Z. 15] rechten abgewicht; Arismetrica, der zal behende auszrichterin, hilfet do nicht mit irer rechnung, mit irer reitung, mit iren behenden ziffern; Astronomia, des gestirnes meisterin, hilfet do nicht mit iren sterngewalt, mit einflusz der ploneten; Musica, des gesanges unde der stimm geordente [Z. 20]

1. cappitulum vicesimum sextum A. w. vnd das xxvi c. Cb. Spricht der tod zu dem Ackerman D. 2. Sch. wünnschen vnd droen Cab, f. vnd wunschen D. 3. des CDab. nicht erfullen Cab. do wider B. wider fehlt C, 4. redende fehlt B, wider redent C. lüt reden i. nit wider B. es sey nun alles war nach deiner m. D. alleschöne h. D. 6. hubschkeit Cab. dannoch musz es C, dennoch so musz es a. von in unser bis musz er fehlt C. es bezucket A. 8. werden alhie Gr. C. red vnd a. h. damit nicht B. 9. scharpfen bis worten fehlt B. geerbten C, gewerten D. 10. blauender l. grunt der fehlt B, Rh. der kluggrunde D. von mit iren bis reden fehlt B. 11. iren practiarten vnd pluenden worten D. 12. von fursichtig e. bis mit der warheit fehlt Cab. 13. verd. vnd verdachtem A. verschlagnen worten noch mit der verborgenen warheit D. und fehlt ABCab. verl. krönen B. 14. pfifferin B. fehlt Cab. bruferin mit irem vnstillenden messe vnd mit iren gewissen vnd messerin abgewichte hilffet da mitt D. 15. vnfelender vnfolendet masse B. rechts A. 16. abgewichten Ca. Arismetria C. 17. h. nicht domit A. ir rechnung C, mitt iren hohen rechnungen D, r. vnd rayttung a. 18. mit iren beh. ziffern fehlt D. gestiernes C. 19. mit iren sterngewalt fehlt B. mit iren flusz B, flussen C, mit dem flusse D. 20. st. ordenung Cab, synne geord. D.

hantreicherin, hilfet do nit mit irem sussen gedone, mit iren feinen stimmen; Philosophia, acker der weiszheit, in zwirch und in naturlichen erkentnusz unde in guter sitten wurkung geackert, geseet unde volkomenlich gewachsen; Phisica mit iren mancherleien steurenden trenken; Geomancia [Z. 5] mit der satzung der planeten und des himmelsreifes zeichen auf erden allerlei frag behende verantworterin; Pyromancia, sleunige und warhaftige warsagens feuerwurkerin; Ydromancia, in wassergewurke der zukunft entwerferin; Astrologia mit oberlendischen sachen des irdischen laufes auslegerin; [Z. 10] Geromancia nach hend und nach deuten ires kreises hubsch warsagerin; Nigromancia mit totenopfer, fingerlein und mit sigel der geiste gewaltige wandlung; Notenkunst mit iren sussen gebeten, mit irem starken besweren; Augur, der vogelkosz vernemer und darausz inkunftiger sachen warhafter [Z. 15] zusager; Aruspex, nach alteropfers rauch in zukunft tuende auszrichtunge; Pedomancia mit kinder gedirme und Ornamancia mit vogelgederme[47] luplerin; Jurist, der gewissenlosz

1. hantreicherin fehlt Cb. suessen BC. 2. sussen und schonen st. C, feinen lieblichen b. ain acker D. der weiszheit wiederholt A. 3. in zwirch vnd fehlt D, zwirche oder B. in synnen reichen vnd C. erkantnusse CD. sittiger D. 4. g. vnde geseet AB. vnde (fehlt b) hilffet da nicht mit volkommenheit seiner wachsung Cab. gew. verfahet da nit D. 5. Von Phisica bis Jurist fehlt Cab. ir B. 6. Geromancia mit der fundirung D. der fehlt A. himelreisens A, risens B, pl. in des firmamentes zyrckel D. 7. vnd auf. allerlei fehlt D. behendikait B. ver. hilffet da nit D. 8. gewisse vnd D. furwurckerin hilffet do nit D. Hydromancia D, Inbramacia B, Der čech. Tk. Baromancia. 9. Ydromancia bis entwerferin fehlt D. Astroloia B. 10. oberlendischer AB, mit aller lendischer D. lǒfes B. 11. Exramancia B, Geomancia D, Chiromancia č. Tk. h. vns A, handel vnd D. nachtatten D, nach tetten B. krewsen A, kraisen B. 12. Igramatia B, Nygromantia mitt irem zwynglichen gewalte der geiste hilffet da nit D. 13. Noctorien die kunst D, fehlt im č. Tk. 14. sussen gebetten A, hübschen petten vnd iren D. b. hilffet nichtz da A. Auguria č. Tk. 15. vogelkiesse B, der vogelgesank D. vernemerin B. zukünftiger B, kunfftiger D. warhafter fehlt D. 16. Aruspex bis Ornamancia fehlt D. noch a. inczu kunft A, in zu konfft B, 17. auszrichtende A. kunder A, kinder B. gediryme A. mit durch eime dermig l. A, durchenderin B, durchtrachteten synnen D. 18. der gewissen behenden Juristen D.

crist hilfet do nit mit rechts und unrechts vorsprechung unde mit seinen krummen urteiln. Die und ander den vorgeschriben anhangende kunst helfen zumale nichts. Jeder mensche musz ie von uns umbgesturtzt, in unserm walktrok gewalken und in unserm rollfasz gefeget werden. Das [Z. 5] glaube, du uppiger geuknecht![48]