1882Epistola super huius opusculi sui complementum Iohanni Gower a quodam philosopho transmissa.

Quam cinxere freta, Gower, tua carmina leta
Per loca discreta canit Anglia laude repleta.
Carminis Athleta, satirus, tibi, siue Poeta,
Sit laus completa quo gloria stat sine meta.

1883Quia1884 vnusquisque, prout a deo accepit, aliis impartiri tenetur, Iohannes Gower super hiis que deus sibi sensualiter1885 donauit villicacionis sue racionem, dum tempus instat,1886 secundum aliquid alleuiare cupiens,1887inter labores et ocia ad aliorum noticiam tres libros doctrine causa forma subsequenti propterea composuit.

Primus liber Gallico sermone editus in decem diuiditur partes, et tractans de viciis et virtutibus,1888 necnon et de variis huius seculi gradibus,1889viam qua peccator transgressus ad sui creatoris agnicionem redire debet, recto tramite docere conatur. Titulusque1890 libelli istius Speculum Meditantis1891 nuncupatus est.

1892Secundus enim liber sermone latino metrice compositus tractat de variis infortuniis tempore Regis Ricardi Secundi in Anglia contingentibus. Vnde non solum regni proceres et communes tormenta passi sunt, set et ipse crudelissimus rex suis ex demeritis ab alto corruens in foueam quam fecit finaliter proiectus est. Nomenque voluminis huius Vox Clamantis intitulatur.

1893Tercius iste liber qui ob reuerenciam strenuissimi domini sui domini Henrici de Lancastria, tunc Derbeie Comitis, Anglico sermone conficitur, secundum Danielis propheciam super huius mundi regnorum mutacione a tempore regis Nabugodonosor vsque1894 nunc tempora distinguit.1895 Tractat eciam secundum Aristotilem1896 super hiis quibus rex Alexander tam in sui regimen1897 quam aliter1898eius disciplina edoctus fuit. Principalis tamen huius operis1899 materia1900 super amorem et infatuatas amantum passiones fundamentum habet. Nomenque sibi appropriatum Confessio Amantis specialiter1901 sortitus est.

FOOTNOTES:

1882 Epistola huius operis sui AJECL huius operis vel opusculi sui XRB₂ huius opusculi Δ
1883 Quia vnusquisque ins. AJXERCLB₂, BTΛ, F om. SΔ, Magd (MH₁G, Ad, WKH₃ defective at the end)
1884 1 Qvuia F
1885 2 sensualiter] intellectualiter A ... B₂
1886 3 dum tempus instat om. BTΛ
1887 4 ff. inter labores—composuit] tres precipue libros per ipsum dum vixit doctrine causa compositos ad aliorum noticiam in lucem seriose produxit. BTΛ
1888 8 f. necnon—gradibus om. BTΛ
1889 9 ff. viam—conatur] viam precipue qua peccator in penitendo Cristi misericordiam assequi poterit, tota mentis deuocione finaliter contemplatur BTΛ
1890 11 Titulusque] titulus AX ... B₂
1891 Speculum hominis A ... B₂ Speculum mediantis B
1892 13 ff. Secundus enim liber, sermone latino versibus exametri et pentametri compositus, tractat super illo mirabili euentu qui in Anglia (anglica J) tempore domini Regis Ricardi secundi anno regni sui quarto contigit, quando seruiles rustici impetuose contra nobiles et ingenuos regni insurrexerunt. Innocenciam tamen dicti domini Regis tunc minoris etatis causa inde excusabilem pronuncians, culpas aliunde, ex quibus et non a fortuna talia inter homines contingunt enormia, euidencius declarat. Titulusque voluminis huius, cuius ordo Septem continet paginas, Vox clamantis nominatur A ... B₂

Secundus liber versibus exametri et pentametri sermone latino componitur, tractat de variis infortuniis tempore regis Ricardi secundi in Anglia multipliciter contingentibus, vbi pro statu regni compositor deuocius exorat. Nomenque voluminis huius, quod in septem diuiditur partes, Vox clamantis intitulatur BTΛ

1893 20 ff. Tercius iste liber (liber iste J) Anglico sermone in octo partes diuisus, qui ad instanciam serenissimi Principis dicti domini Regis Anglie Ricardi secundi conficitur A ... B₂ Tercius iste liber qui in octo partes diuisus ob reuerenciam stren. dom. sui dom. Henrici de Lanc. &c. BT
1894 24 vsque in nunc T
1895 24 distingui B
1896 25 Nectanabum et Aristotilem A ... B₂
1897 26 regimine X ... B₂
1898 26 f. eius disciplina—materia om. AX ... B₂ eorum disciplina &c. J
1899 27 operis] libri J
1900 28 ff. super amorem et amantum condiciones fundamentum habet: vbi variarum Cronicarum historiarumque sentencie, necnon Poetarum Philosophorumque scripture ad exemplum distinccius inseruntur. Nomenque presentis opusculi Confessio Amantis specialiter intitulatur. A ... B₂ (but all except J have finem for sentencie).
1901 30 specialiter om. Λ